बिहार भ्रमण

२०८१/भाद्र/२२,

श्री दिगुख्य गुथि - ज्यासना पुचःया ग्वसालय (न्हु ज्यासना पुचः पलिस्था जुसां निसें) न्ह्यागु बिहार भ्रमणया ज्याझ्व: थुगुसि/थौं २०८१/भाद्र/२२ गते ललितपुर, थसि (साना गाउँ) श्री सिद्धिमंगल बुद्ध विहारय न्ह्यासे/न्ह्याना क्वचागु जुल।

विहार भ्रमणयाया झ्वलय आ:/थौं तक - दकले न्हापां २०७९/भाद्र/१४ गते मंगलबा: भोतया ध्यानकुति विहार, निक्वगु खुसि २०८०/मङ्सिर/३० गते संचबा बुनपा वडा नं ३ तोखाया बुद्ध भुमि महाविहारय जुगु जुलसा थुगुसि थौं श्री सिद्धिमंगल बुद्ध विहार, थसि, साना गाउँसं जुगु जुल।

सुथसिया ७:०० ता:ईलय १०६ म्ह: गुथि ज: दरबार स्कुल दुने मुना लिपा न्ह्या:गु ४ ग: बस ७:४५ ता ईलय श्री सिद्धिमंगल बुद्ध विहारय थ्यन। थ्यना लिपा कौला - कौला लिपा ९:१० ता: ईलं निसें श्री सिद्धिमंगल बुद्ध विहारया विहार नाय: श्रद्धेय भन्ते विमलो पाखें पंचशिल, बुद्धपुजा, दुग्यंगु ब्यबहारिक देशना लिपा पुण्यानुमोदन बिया/याका बिज्यागु जुल।

ज्याझ्वसं लसकुस न्वचुया निंति श्री दिगुख्य: गुथि, संरक्षक पुचःया छ्यान्जे भाजुं स्वयम्भुरत्न तुलाधर, दशपारमिता भजन/म्ये गुथि ज: रोशना तुलाधर, विहार प्रमुख भन्तेया म्हसिका ज्यासना पुचःया न्वकु भाजु विद्यासागर तुलाधर, देशक भन्तेयात धर्मपुजा दान ज्यासना पुचःया दांभरी गितम बिरसिं तुलाधर व दुज: आनन्दरत्न तुलाधर पाखें जुसे सुभाय न्वचु ज्यासना पुचःया नाय: भाजु ताराबिरसिं तुलाधर पाखें जुसे दकले लिपा दान प्रदानया ज्या जुल।

बिहार भ्रमण ज्याझ्व:या मुकं ग्वसा: नापं ज्याझ्व: न्ह्याकाया भाला श्री दिगुख्य: गुथिया छ्यान्जे नापं विहार भ्रमणया कजी बिजयरत्न तुलाधर पाखें कया दिईगु जुलसा ब्वतिकामि सकसित ज्यासना पुचःपाखें वैगु दिनसं याईगु ज्याझ्वनं कना दिलसा ब्वतिकामि नापं विहार, विहारया श्रद्धेय भंते विमलो यात सुभाय/साधुवादनं बियादिल।

ज्याझ्व:या लिपांगु ब्व:य ब्वतिकामि उपासक उपासिकापिं पाखें श्रद्धेय भन्तेयात भोजन दान याना लिपा ब्वतिकामि सकस्यां भोजनयाना लिहां वयेगु झ्वलय लुंभु (लुं या देमा, थिथि द्यो देके वना चाहुईका/चाहुला ज्याझ्व क्वचायेकुगु जुल।

ज्याझ्वसं वसपोल श्रद्धेय विमलो भन्ते पाखें दुल्लु फंपीया नौमुलेसं दयेके ज्या: न्ह्याका बिज्याना च्वंगु त्रिबोधि ध्यान केन्द्र दयेके/धस्वाकेया निंति ब्वतिकामि पिंसं सश्रद्धाया ध्यबा ग्वहालि ल:ल्हाना दिल। व हे झ्वलय संरक्षक पुचःया दुज: भाजु हेरारत्न तुलाधर पाखें मत्यवं मदुम्ह: काये रबिन्द्ररत्न तुलाधरया लुमन्ती १ लख दां बिया दिगु जुलसा सुं सुं ब्वतिकामि पिंसं लिपा बिईगु खं कना दिल - गुकिया निंति दाता उपासक/उपासिकापिंसं बिहार भ्रमणया कजीयात स्वापु तया दिई ज्यु तया दिसं।