योग शिविर

२०८१/असोज/५,

दिगुख्य: गुथीया ज्यासना पुचःया ग्वसा: व कालिमाटी योग साधना केन्द्रया स्यना ग्वहालीइ वंगु २०८१/भाद्र/३० गते आईतबा निसें थौं २०८१/असोज/५ गते संचबा: तक्क न्ह्यागु योग शिविरया ज्याझ्व क्वचागु जुल ।

ज्याझ्व:सं लसकुस न्वचु ज्यासना पुचःया नाय: भाजु ताराबिरसिं तुलाधर, योग व योग ज्याझ्व: क्वचागुया खं योग स्यनामी भाजु गौतम मानन्धर/कालिमाटी योग साधना केन्द्र, व ब्वतिकामिपीं पाखें क्वचागु/सयेकागु योग गये/गथे जुलया न्यने/न्यंके कथं मयजु रोशना तुलाधर (झ्वाबहा कव "क"), मयजु रोशनी तुलाधर (झ्वाबहा कव "ख:) व मयजु अन्जु तुलाधरं (ननिबहा कव) थ:थगु नुग: खं कना दिलसा भिन्तुना न्वचु संरक्षक पुचःया छ्यान्जे भाजु स्वयम्भुरत्न तुलाधर व सुभाय न्वचुयात ज्याझ्व:कजी व ज्यासना पुचःया छ्यान्जे भाजु बिजयरत्न तुलाधरं बिया दिल।

वं लिपा न्हयनु यंक मदिक्क योग (आसन, बाह्य/सुक्ष्म व्यायाम, ध्यान व एरोबिक्स) नापं आयुर्वेद व अक्युप्रेसर स्यने व स्यनेया ग्वसा: ग्वया दिईम्ह: कालिमाटी योग साधना केन्द्रया गौतम मानन्धर व वयेकया पुचः यात लुमन्ती चीं ल:ल्हाना हनाबना तयेगु चिधंगु ज्याझ्वनं जुल। ज्याझ्व:या लिपांगु ब्वये स्यनामी गुरु/गुरुमांपिंत खादा क्वखायेकेगु व कनिपा:या स्वां ल:ल्हायेगु ज्या संरक्षक पुचःया छ्यान्जे भाजु स्वयम्भुरत्न तुलाधरं याना दिलसा सुभाय या लुमन्ती चींयात ज्यासना पुचःया नाय: ताराबिरसिं तुलाधरं ल:ल्हाना दिल। व हे झ्वलय ब्वतिकामि मयजु रोशना तुलाधरपाखें वयेकया स्वचित्तं मिसा: स्यनामी गुरुमां कृष्णा मानन्धर व अमिता सिंहजुयात अलग्गहे लुमन्ती चीं बिया दिल।

* ज्याझ्व:या दकले लिपा ज्याझ्व: न्ह्यैपुक्क क्वचागु लसताय सकल ब्वतिकामि व स्यनामी गुरु/गुरुमांपिंत कौला बत्ता ईना ब्युगु जुल

** क्वचायेके ज्याझ्व:यात ज्याझ्व: कजी/ज्यासना पुचःया छ्यान्जे भाजुं न्ह्याका दिईगु जुल।

दकले लिपा "छिस्कर पिनिगु भिं उसांय - जिमिगुनं च्युता" "योग याये - भिं उसांय दयेके" या मुखं ज्वना छवा: यंक श्री दिगुख्य: गुथि - ज्यासना पुचःलं न्ह्याकागु थुगु ज्याझ्वसं/ज्याझ्व पाखें थ:गु भिं उसांय व सुसा:या निंति मुवंगु ई बिया ब्वति कया दिईपीं सकल गुथि ज:, स्यनामी गुरु/गुरुमां, संरक्षक पुचःयात जिपिं ज्यासना पुचः पाखें आपालं आपा सुभाय/साधुवाद बियागु जुल।