लोक सेवा धैगु छु ? लोक सेवा दुने छाये ? व लोक सेवा दुने गये/गथेयाना दुथ्याकेया ज्याझ्व

२०८१/कार्तिक/१०,

नेपाल सरकारया सरकारी सेवाय् जागिर नयेगु, जागिरया निंति छु यायेमा ? या खं व उकिसं नेवा: तय् दथ्वी उदाय् तयेगु ल्या (संख्या) अतिकं म्हो जुया वना च्वंगुयात दुबिचा तसे नेपाल सरकार व थि:थि ज्याकु दुने उदाय् ल्यायेम्ह/ल्यासे मस्तयेगु ब्वतियात उप्वयेका यंकेमा/यंकेगु ता:तुना तया श्री दिगुख्य: गुथि - ज्यासना पुचःपाखें थौं नेसं ११४४ कौलागा दशमी संचबा: (२०८१/कार्तिक/१० गते शनिबार) कुन्हु लोक सेवा धैगु छु ? लोक सेवा दुने छाये ? व लोक सेवा दुने गये/गथेयाना दुथ्याकेया ज्याझ्व:या निगुगु ब्व: थौं सुथय क्वचायेकुगु दु।

३० म्ह: ल्यायेम्ह/ल्यासे व १५ म्ह: छें हा:मा दुथुई न्ह्यागु ज्याझ्व:सं ज्याझ्व: नाय: (सभापति) कथं ज्यासना पुचःया नाय: ताराबिरसिं तुलाधर, मुपाहां कथं गुथिया संरक्षक पुचःया छ्यान्जे भाजु स्वयम्भु रत्न तुलाधर पाहां कथं दांभरी भाईकाजी तुलाधर, मिसा पुचःया नकीं प्रेमहिरा तुलाधर व ज्याझ्व:या श्रोत मनु लोक सेवा आयोगया सह-सचिब भाजु मुक्ति प्रसाद पाण्डेच्वना दिईगु जुल।

ज्याझ्वसं लसकुस न्वचु गुथिया नाय भाजु पाखें व भिन्तुना न्वचु संरक्षक पुचःया छ्यान्जे भाजु बिया दयुगु जुलसा ज्याझ्वयात न्ह्याके नापं सुभाय न्वचु ज्यासना पुचःया छ्यान्जे/ज्याझ्व कजी बियाद्युगु जुलसा श्रोत मनुयात लुमन्ती चीं ज्यासना पुचःया नाय: व छ्यान्जे भाजुं ल:ल्हाना दिल।

मु ज्याझ्व "लोक सेवा धैगु छु ? लोक सेवाया झिगु ब्वति छाये ? लोक सेवाय गये/गथेयाना ब्वति कायेगु ? व लोक सेवाय झी दुहां वना छु/छु लब: (फाईदा/सुविधा) दु व दै ? या खं श्रोत मनु (व्यक्ति) लोक सेवा आयोगया सह-सचिब भाजु मुक्ति प्रसाद पाण्डेजु पाखें १० गु मिनेट ध्यान भावना याकुसे ४५ गु मिनेट ता:हाकगु प्रोजेक्टर पाखें खं ब्वया/धया/कना दिल। वयेकया ब्वया खं लिपा आपालं ब्वतिकामि पाखें मस्युगु/मथुगु खं न्यना द्युठे पाण्डेजुनं लुधंक लिस: बिया दिल।