Painting व Art या धें धें बल्लाः कासा

२०८१/मङ्सिर/२२,

श्री दिगुख्य: गुथि, ज्यासना पुचः व मिसा पुचःया मंकाः ग्वसालय् गुथिया मस्तय्‌गु निंतिं ने.सं. ११४५ थिंलाथ्वः खस्थि, सनिबार (२०८१/मङ्सिर/२२ गते)खुन्हु नेवाः जात्रा व नखःचख:- Painting व Art या धें धें बल्लाः कासा (Competition) क्वचाःगु जुल । ज्यासना पुचःया न्वकू भाजु विद्यासागर तुलाधरया नायःसुइ न्ह्याःगु थुगु ज्याझ्वःसं मूपाहांकथं संरक्षक पुचःया दांभरिं भाइकाजि तुलाधर, प्रा निर्मल मान तुलाधर व ज्यासना पुच: नि. नाय: रमेश तुलाधर झाया दीगु जुलसा धेंधें बल्लाः कासाय् ल्यज्यामि (निर्णायक) कथं- कजि पूर्ण रत्न बज्राचार्य, दुज: निलम ताम्राकार बज्राचार्य व प्रचण्ड बनिया च्वनादीगु जुल। निगू पुचः - दँ ६ निसें १० व दँ ११ निसें १६ य् ब्वथलाः न्ह्याःगु धेंधें बल्लाः कासाय् लसकुस न्वचू मिसापुच:या नकिं प्रेम हिरा तुलाधर, भिन्तुना न्वचू संरक्षक पुचःया भाइकाजि तुलाधर, प्रा निर्मलमान तुलाधर व न्वकु बिद्यासागर तुलाधर पाखें बियादिसे ज्याझ्वः न्ह्याःगु जुल ।

ज्याझ्वःसं दँ ६ निसें १० दँ दुने - न्हाप ओजश्री प्रभा तुलाधर, ल्यू यान्जेल तुलाधर, लियां ल्यू आदिश्री तुलाधर व ह:पाः जुनैद राजा तुलाधर अले दँ ११ निसें १६ दँ दुने न्हाप रिसोन तुलाधर, ल्यू मिलिना तुलाधर, लियां ल्यू क्रिष्टिना तुलाधर जुया द्य‌ूगु जुल। धेंधें बल्लाः कासाय् ता:लाःपिं व ब्वति काःपिं सकल मस्तय्‌त संरक्षक पुचःया दांभरिं भाइकाजि तुलाधर, ज्यासना पुचःया न्वकू विद्यासागर तुलाधर व ल्यज्यामि कजि पूर्ण रत्न तुलाधरपाखें लुमन्ति चिं व दसि पौ इनादिल। ज्याझ्वःया दकलय् लिपा मिसा पुचःया न्वकू दिब्यतारा तुलाधरपाखें ब्वतिकाःपिं, ल्यज्यामि कजि व दुजःपिन्त सुभाय् बियादिल। ज्याझ्व:यात ज्यासना पुचःया दुज: विद्यारत्न तुलाधरं न्ह्याका द्युगु जुल। दकले लिपा ज्याझ्वसं ब्वति कायेत छ्वया हया दिपिं सकल गुथि ज: ब्वतिकामि सकल मचापिं धाथेंया गुथि ज:पिंत आपालं भिं सुवा:, लसहना नापं भिन्तुना !!