भिंगु,नीगु व इलं नयेगु नसा: त्वसा

२०८१/पुष/६,

श्री दिगुख्य: गुथीया ज्यासना पुचः व मिसा पुचःया मंका ग्वसा: व प्रकृति प्रेमी समुहया स्यना/कनाव थुईका ग्वहालीइ म्हिग: २०८१/पुष/६ गते "भिंगु,नीगु व इलं नयेगु नसा: त्वसा" संचबा छगु ज्याझ्व क्वचागु जुल। ज्याझ्व न्ह्याकाया मुखं "भिंगु,नीगु व इलं नयेगु नसा: त्वसा" धैगु छु ? व गये/गथे नया/त्वना झिसं झिगु सुसा (स्वास्थ्य) व उसांय (निरोगी) यात बांलाकेगु/बल्लाकेगु जुल।

संरक्षक पुचःया छ्यान्जे भाजु स्वयम्भुरत्न तुलाधरया मुपाहांसुई न्ह्यागु उगु ज्याझ्व:सं लसकुस न्वचु मिसा पुचः नकीं प्रेमहिरा तुलाधर, ज्याझ्व: न्ह्याके मागुया खं ज्याझ्व कजी प्रबिनाहिरा तुलाधर, स्यना/कनामी भाजु ड़ा उमेश श्रेष्ठया म्हसिका गुथिया ज: हर्ष सागर तुलाधर पाखें जुगु जुलसा मुपाहां स्वयम्भु रत्न तुलाधर पाखें भिन्तुना न्वचु बिया दिल। वं लिपा मु ज्याझ्व न्ह्याकामि भाजु ड़ा उमेश श्रेष्ठ पाखें ज्याझ्व न्ह्याका दिईगु जुल।

७३ म्ह: गुथि ज: पिंसं नां च्वका द्युसां ६२ म्ह:या ब्वतीं न्ह्यागु उगु ज्याझ्वसं गुथि ज: पिंसं आपालं न्ह्यस: तया द्युगु जुलसा ज्याझ्व न्ह्याकामी भाजुं उसी मचासे ध्वाथुईका लिस्:नं बिया द्युगु जुल।

ज्याझ्व क्वचाना लिपा मिसा पुचःया न्वकु मयजु दिब्यतारा तुलाधर पाखें सुभाय न्वचु बिया द्युगु जुलसा ज्याझ्व न्ह्याकामी पुचः प्रकृति प्रेमी समुहयात लुमन्ती खाम ज्यासना पुचःया दांभरी भाजु गीतम तुलाधर व संरक्षक पुचःया छ्यान्जे/मुपाहां भाजु स्वयम्भुरत्न तुलाधरं ल:ल्हाना दिल। ज्याझ्व: दकले लिपा ग्वसा: खल पाखें ब्वतिकामि सकसित प्रकृति प्रेमी समुहया अमृत भोजनया बत्ता ईने ज्या:नं जुल।

व हे नापं वैगु दिनसं ज्यासना पुचः पाखें न्ह्याकिगु छुं हे कथंया ज्याझ्व;सं गुथि ज: पिनिगु ब्वति थथे हे सदां दयेमाया भलसा जिपिं ज्यासना पुचःव मिसा पुचः पाखें कयागु दु। थ:म्हं न्यनागु/सयेकागु व थुईकागु सकतांयात न्हियान्हीथं लुमंक छ्यला दिसं व सकसितनं स्यना दिसं/थुईका दिसं। सुभाय/साधुवाद !!